近黎做緊黃子華套戲, 笑到我同晶佬死咁制, 好奈冇認真睇過一套TVB 0既劇集, 真係好鬼好笑, 可能有0的人會覺得好無聊, 不過我覺得做人簡單0的好, 晚晚笑一個鐘, 都幾開心呀....

呢排身邊好奇怪, 身邊好多人有喜事, 又有人有白事, 或者呢個就係人生, 上次去朋友的婚宴, 朋友見到我後, 好開心好感觸地攬住我, 我其實都好鄧佢開心, 希望佢會幸福, 如果唔洗做姊妹, 唔洗封人情 (哈哈), 我其實好鐘意去婚宴, 因為我都會感染到那些幸福, 見到新娘感動得哭了, 整到我都好感動, 或者因為我都好遺憾自己冇攪婚宴吧...

朋友今日同我講, 佢考到會計師牌, 真的鄧佢開心, 其實我自己都讀會計, 我好佩服我0的朋友可以咁有毅力, 你叫我依家再讀書, 不如叫我去死好過, 可能人年紀大左, 真係好冇記性, 不過有時見人地做野咁有目標, 自己靜係識食同訓, 好似好無用, 或者咁講啦, 食同訓都係我目標黎0既, 哈哈..其實朋友今次合格, 對佢黎講係格外有義意, 我唸佢在天上0既媽媽知道後都會好開心啦...

近日發覺晶佬真的肥得太緊要, 連結婚戒指都帶唔落, 佢0係美國番黎0既朋友見到佢仲大叫, 因為佢朋友四年冇見佢, 佢難以想像晶佬會肥成咁, 嗨, 我就其實好苦惱, 當然我緊係想佢瘦0的啦, 健康0的嘛, 同埋佢有0的咩事我點算喎, 但另一方面, 我一聽到佢肚餓, 我就會煮好多野比佢食, 有時佢食得小, 我反而好擔心佢係唔係唔舒服, 嗨, 所以真係好無奈, 為由迫佢同我一樣, 齊齊踩單車啦....